מיטוואך פ' דברים • ה' אב תשפ"ה | בחצרות הקודש
9:10 | מיטוואך באנאכט פ' דברים • בחצרות הקודש
פאר הדור הגה"צ רבי יעקב מאיר שעכטער שליט"א האט נארוואס פארגעזאגט קבלת עול מלכות שמים בקול אדיר וחזק וואס האט אפגעדינערט אינעם זאל, דערמיט איז געשלאסן געווארן דער היסטארישער אסיפה, און די אדמור"ים ורבנים געזעגענען זיך אצינד איש את רעהו לשלום.
9:05 | מיטוואך באנאכט פ' דברים • בחצרות הקודש
צענדליגער אדמור"ים רבנים וראשי ישיבות פארזאמלט אינעם זאל בעת דער דרשה פון הגאון רבי יצחק זילבערשטיין רב שכונת רמת אלחנן אין בני ברק.
8:53 | מיטוואך פארנאכטס פ' דברים • בחצרות הקודש
צום שלום פונעם היסטארישן "כינוס לצדיקים" האט מען מכבד געוועהן הגאון רבי יעקב מאיר שטערן דומ"ץ וויזניץ פארצוליינען די החלטת האסיפה ביי וועלכן עס ווערט קלארגעשטעלט די אוימבויגזאמע שטעלונג פונעם יהדות החרדית בכל התוקף נישט נאכצולאזן קיין זוז כל שהוא פון אונזער דרך החיים עפ"י התורה והמסורה.
די החלטת האסיפה במלואו:
8:50 | מיטוואך פארנאכטס פ' דברים • בחצרות הקודש
די מכתב קודש פון כ"ק אדמו"ר מבעלזא שליט"א צום היינטיגן אסיפה.
8:45 | מיטוואך פארנאכטס פ' דברים • בחצרות הקודש
הרה"ג רבי יוקל ווייס שליט"א ראש ישיבת וויזניץ און משמש בקודש ביי האדמו"ר מוויזניץ ליינט יעצט פאר א מכתב קודש וואס דער רבי האט געשיקט צום אסיפה פונעם מקום הנופש אין שווייץ.
8:40 | מיטוואך פארנאכטס פ' דברים • בחצרות הקודש
צוויי דרשות נלהבות זענען יעצט געהערט געווארן דורך די גדולי ישראל פון די ליטווישע און ספרדישע קרייזן הגאון רבי יצחק זילבערשטיין שליט"א רב שכונת רמת אלחנן און הגאון רבי משה צדקה שליט"א ראש ישיבת פורת יוסף.
8:35 | מיטוואך פארנאכטס פ' דברים • בחצרות הקודש
הגה"צ רבי יעקב מאיר שעכטער שליט"א אדרעסירט יעצט דעם אסיפה מיט דברים חוצבים מלהבת אש, מ'קען ווייטער מיטהאלטן די הוקאפ אויף קול בחצרות +16053136666 EXT93
8:30 | מיטוואך פארנאכטס פ' דברים • בחצרות הקודש
דער יושב ראש האסיפה הגאון ר' יצחק מאיר שטערנבוך שליט"א ליינט יעצט פאר א מכתב קודש פונעם פוסק הדור הגאון האדיר רבי משה שטערנבוך שליט"א בעל "תשובות והנהגות" וואו דער גאון ברענגט ארויס דעם וויי געשריי און דער חובת השעה אין דעם קריטישן שעת חירום.
8:20 | מיטוואך נאכמיטאג פ' דברים • בחצרות הקודש
אין די יעצטיגע מינוטן ערשיינען אינעם זאל די זקני רבני העדה החרדית פאר הדור הגה"צ רבי יעקב מאיר שעכטער שליט"א מנהיג חסידי ברלסב און כ"ק אדמו"ר ממשכנות הרועים שליט"א.
8:15 | מיטוואך נאכמיטאג פ' דברים • בחצרות הקודש
הגאון רבי פנחס פרידמאן ראש הכוללים ד'בעלזא ליינט יעצט פאר א מכתב קודש פון כ"ק אדמו"ר מבעלזא שליט"א צום אסיפה, פריער האבן אויפגעטרעטן הגאון רבי חיים פיינשטיין ראש ישיבת עטרת שלמה און הגאון רבי בנציון מוצפי מגדולי חכמי ספרד.
8:13 | מיטוואך נאכמיטאג פ' דברים • בחצרות הקודש
צווישן די רבנים חשובים אויפן אויבן אן זעהט זיך אן הרה"צ רבי יעקב יוסף טווערסקי שליט"א בשליחות אביו כ"ק אדמו"ר מסקווירא שליט"א, האדמור"ים מראחמיסטריווקא, סלאנים, און מאחנובקא בעלזא.
8:10 | מיטוואך נאכמיטאג פ' דברים • בחצרות הקודש
יעצט נאכן משא האסיפה דורך כ"ק אדמו"ר מצאנז שליט"א וואס האט ווי אויפגעשטורעמט די אסיפה האט מען אויפגערופן הגה"צ רבי משה ברזובסקי ראש ישיבת סלונים פארצוליינען א ברכת קודש וואס כ"ק אדמו"ר מסלונים שליט"א האט געשיקט צום אסיפה נאך וואס דער רבי האט אין א לעצט-מינוטיגע טויש אין פלאן נישט געקענט פערזענליך זיך משתתף זיין ביים אסיפה צוליב א שוואכקייט.
8:00 | מיטוואך נאכמיטאג פ' דברים • בחצרות הקודש
יעצט נאכן פתיחת המעמד דורך הגה"צ רבי חיים שמרלר אב"ד היכל צבי צאנז טערט אויף מיט פייערדיגער דיברוים דער זקן ראשי הישיבות הגאון הגדול רבי מאיר צבי בערגמאן ראש ישיבת הרשב"י.
7:55 | מיטוואך נאכמיטאג פ' דברים • בחצרות הקודש
מ'קען מיטהאלטן א לייוו הוקאפ פונעם אסיפה אויף מערכת קול בחצרות: +16053136666
7:50 | מיטוואך נאכמיטאג פ' דברים • בחצרות הקודש
כ"ק אדמו"ר מצאנז שליט"א אדרעסירט יעצט די אסיפה במעמד פון הונדערטער אדמור"ים, רבנים, וראשי הישיבות, כינוס לצדיקים נאה להם ונאה לעולם.
7:40 | מיטוואך נאכמיטאג פ' דברים • בחצרות הקודש
אין די יעצטיגע מינוטן ערשיינען צום היסטארישן אסיפה די חברי מועצת גדולי התורה: האדמור"ים מגור, צאנז און ביאלא.
7:30 | מיטוואך נאכמיטאג פ' דברים • בחצרות הקודש
יעצט האט דער יושב ראש האסיפה הגאון רבי יצחק מאיר שטערנבוך שליט"א ר"מ בישיבת מיר אויפגערופן המשפיע הגה"צ רבי אלמילך בידערמאן שליט"א מלעלוב פארצוזאגן פרקי תהילים להעביר את רוע הגזירה.
7:20 | מיטוואך נאכמיטאג פ' דברים • בחצרות הקודש
נאך זעהן זיך אן ביים היסטארישן אסיפה: האדמור"ים מטשערנאביל, דאראג, בוהוש, מודזיץ, סקולען ירושלים, דזיקוב וויזניץ, טאלנא, סאדיגורא ירושלים, שמורי אמונים ירושלים, קאמארנא, טשארנאביל, מחנובקא בעלזא, ראש ישיבת טשעבין, הגאון רבי מיכל זילבער ראש ישיבת זוועהיל, הגה"צ רבי חיים יצחק אייזיק לאנדא גאב"ד בני ברק, הגה"צ רבי מנחם ארנסטר ראש ישיבת וויזניץ, און הגאון רבי יעקב מאיר שטערן דומ"ץ וויזניץ.
7:00 | מיטוואך נאכמיטאג פ' דברים • בחצרות הקודש
ביים היסטארישן "כינוס לצדיקים" אין מעלה החמישה נעבן ירושלים געפונען זיך שוין מערערע אדמור"ים ורבנים, צווישן זיי: האדמור"ים מסערט וויזניץ, קרעטשניף, נדבורנה ירושלים, זוטשקא, שבט הלוי, שומרי אמונים, נאראל, המשפיע הגה"צ רבי אלימלך בידערמאן גאב"ד קרית צאנז ירושלים, הגאון רבי נפתלי נוסבוים ראש ישיבת חיי משה.
6:45 | מיטוואך נאכמיטאג פ' דברים • בחצרות הקודש
מרן אדמו"ר מוויזניץ שליט"א ערשיינט יעצט צום היסטארישן אסיפה, קומענדיג צופארן דירעקט פון שפיטאל וואו דער רבי האט זיך אויפגעהאלטן אויף א מעדיצינישע באהאנדלונג אין לויף פונעם טאג.
6:35 | מיטוואך נאכמיטאג פ' דברים • בחצרות הקודש
כ"ק אדמו"ר מגור שליט"א פארלאזט יעצט ביתו נאווה קודש אין ירושלים אויפן וועג צום היסטארישן "כינוס לצדיקים" וואו דער רבי וועט זיך משתתף זיין בראש המסובים גדולי וצדיקי הדור פון אלע שיכטן און קרייזן. מי ראה אלו יוצאים!
6:25 | מיטוואך נאכמיטאג פ' דברים • בחצרות הקודש
יעצט נאכמיטאג איז כ"ק אדמו"ר מסלאנים שליט"א אנגעקומען קיין ירושלים וואו דער רבי איז ערווארטעט מיטצוהאלטן דעם היסטארישן "כינוס לצדיקים" אין מעלה החמישה נעבן ירושלים. אונטערוועגנס האט זיך דער רבי אפגעשטעלט ביים שריד בית מקדשינו דער כותל המערבי אויף א תפילה מיוחדת מעורר רחמים צו זיין לישועת הכלל והפרט און במיוחד לאור דעם ביטערן גזירת הגיוס וואס לויערט אויף טויזנטער יונגעלייט און בחורים לומדי תורה. דער רבי האט דארט געדאוונט מנחה מיט א מנין מצומצם און דערנאך געזאגט ספר רביעי אין תהילים און די יהי רצון.
5:45 | מיטוואך נאכמיטאג פ' דברים • בחצרות הקודש
צווישן די פילע אדמור"ים וגדולי ישראל וואס געפינען זיך על אם הדרך קיין ירושלים צום היסטארישן "כינוס לצדיקים" האט זיך כ"ק אדמו"ר מצאנז שליט"א נארוואס ארויסגעלאזט פונעם מקום הנופש אין קיסריה אנטייל צו נעמען ביי דעם קריטיש-וויכטיגן אסיפה לשם שמים.
כל הזכויות שמורות ©