דינסטאג פ' מטות מסעי • כ"ו תמוז תשפ"ה | בחצרות הקודש
א גאר שארפן בריוו ערשיינט היינט, אונטערגעשריבן דורך די פירנדע אדמור"ים בארצינו הקדושה חברי "מועצת גדולי התורה", אמבאלאנגט די ביטערע "חיטוטי שכבי" אין שטאט יאהוד, וואס ווערט אנגעפירט דורך פריוואטע בוי אונטערנעמער, דערמיט עוקר צו זיין די אמונה אין ביאת המשיח, און תחית המתים רח"ל און גענציך אויסרייסן דעם קשר פון אידישן פאלק צו די דורות הקדמונים.
אין די ווייטאגליכע קריאה קדושה, אונטער'ן קעפל "בעוון חיים – מתים מתחטטין", טוען די גדולי האדמור"ים שליט"א ארויסברענגען זייער צער און דעם וויי געשריי קעגן די שאנדפולע חיטוטי שכבי אין יאהוד.
"כל לב יהודי מתמלא צער ועוגמת נפש, על בזיון מתי ישראל קדמונים, השוכנים עפר, בעיר יהוד, ועתה קמו בעלי חברת "אאורה", ובעבור בצע כסף, מחללים את קברותיהם ומשביתים מנוחתם ללא לב ומצפון, בהריסת קברותיהם, סילוק עצמותיהם ממקומן, ובניית בתי מגורים באתר הקבורה. מה נורא הדבר אשר נעשה, במיוחד בימים בהם כלל ישראל זקוק לרחמי שמים, ובוודאי להישמר מדברים המהווים קטרוג קשה, חס ושלום".
אשר על כן – ליינט זיך דער בריוו ווייטער – ליגט א פליכט אויף אידישע קינדער בכל מקום שהם, מעורר צו זיין רחמי שמים, דורך מרבה זיין בתפילות ובתחנונים, בפרט דעם קומענדיגן דאנערשטאג ערב ראש חודש מנחם אב, וואס איז א יום מסוגל, זאל מען זאגן תהילים, יעדער לויט זיין מנהג. באזונדער רופן זיי די אוי, די "אאורה" קונסטרוקציע פירמע אפצושטעלן די בזיון העצמות, וינוחו בשלום על משכבם עד קץ הימין.