מיטוואך פ' כי תבוא • ט"ו אלול תשפ"ד | בחצרות הקודש
בילדער קרעדיט: יוסי גאלדבערגער – JDN
פארגאנגענעם וואך איז אפגעהאלטן געווארן די ׳מעמד חנוכת הבית וקביעות מזוזה׳ פארן נייעם גרויסן בנין הבית אסתר שע"י מוסדות סאטמאר מאנסי, אין שפיץ פונעם נשיא המוסדות כ"ק אדמו"ר מסאטמאר שליט"א וועלכע איז ספעציעל ארויסגעקומען קיין מאנסי צו באשיינען די מעמד. דער רבי האט זיך ווארעם באגריסט מיט גיסו הגה״צ גאב״ד סאטמאר מאנסי שליט׳א און ארומגעגאנגען אין אלע אפטיילונגען פונעם בנין און קובע געווען א מזוזה ביים הויפט אריינגאנג, דערנאך האט די רבי געטרינקען לחיים און אנגעוואונטשען פארן רב שליט״א און אלע חברי הנהלה ועסקני המוסדות.