דינסטאג פ' וירא • ט"ז חשון תשפ"ד | בחצרות הקודש
אין א מערקווירדיגע שריט האט כ"ק אדמו"ר מסאטמאר שליט"א וועלכער האט געזאלט אפליען קיין פלארידע דעם קומענדיגן מיטוואך אויף מנוחת הנפש, אפגערופן די געפלאנטע נסיעה, צוליב די שווערע מלחמה צושטאנד בארץ הקודש. יאר יערליך פארט דער רבי ארויס אנהייב ווינטער קיין נארט מיאמי פלארידע אויף אפרוה, אבער אצינד ווען עס הערשט א שווערע מצב אויף אחינו בני ישראל בארץ הקודש, האט דער רבי געמאלדן אז ער וויל נישט ארויספארן קיין פלארידע זיך אפצוריען, אין די צייט וואס אונזערע ברידער מאכן מיט שווערע צייטן. דעריבער וועט דער רבי וויילן אויף אפרוה אין קרית יטב לב אין בלומינגבורג, און זיך אנשעפן פרישע כוחות למען בריאות גופו הטהור.