דאנערשטאג פ' האזינו א' • כ"ח אלול תשפ"ג | בחצרות הקודש
דעם דינסטאג פארמיטאג איז כ"ק אדמו"ר מראחמסטריווקא שליט"א אנגעקומען אויף א באזוך ביי גיסו הגדול כ"ק אדמו"ר מבאבוב 45 שליט"א לברך ולהתברך בברכת השנים, עס האט זיך פארצויגן א שיינע שמועס איבער די גרויסער אבידה וואס כלל ישראל האט פארלוירן, אין האדמו"ר מבאבוב 45 האט זיך נאכגעפרעגט איבער די בעלי תפילות ימים נוראים בחצר הקודש ראחמסטריווקא און איבער פארשידענע מנהגי ימים הנוראים בחצרות ראחמסטריווקא אין סקווירא. די שוואגערס האדמורי"ם האבן געטרינקען לחיים און האדמו"ר מבאבוב 45 האט אנגעוונטשן דעם רבי'ן בברכת יאריך ימים על ממלכתו אין קענען פירן די עדה הקדושה על מי מנוחות.