מאנטאג פ' כי תבא • ט"ו אלול תשפ"ה | בחצרות הקודש
בילדער קרעדיט: JDN
בסימן טוב ומזל טוב איז די וואך געשלאסן געווארן די שיינע רבישע שידוך פונעם חתן אן אייניקל ביי כ"ק אדמו"ר מאמשינוב שליט"א, עלסטער קינד פון זיין איידעם הרה"ג ר' מיכאל פריעדמאן שליט"א, מיט די כלה א טאכטער פון הרה"ג ר' חיים פינטער שליט"א מביקאווסק ירושלים, זון פון הגה"צ אבד"ק ביקאווסק בני ברק זצ"ל, און איידעם ביי הגה"צ ר' אליעזר געלדצעהלער זצ"ל ראש ישיבת אור ישראל, איר אייניקל פון כ"ק אדמו"ר מהארנסטייפל מילוואקי שליט"א.
די שמחת קישור החיתון איז פארגעקומען אין שטוב פונעם אבי הכלה אין די מקור ברוך געגענט אין ירושלים אין שפיץ פונעם געהויבענעם זיידן פון חתן כ"ק אדמו"ר מאמשינוב שליט"א וועלכע האט מעריך געוועהן א שולחן לחיים און געזאגט תורה כדרכו בקודש.