מוצאי שב"ק פ' מטות מסעי • א' אב תשפ"ה | בחצרות הקודש
בילדער קרעדיט: JDN
מיט א התרגשות דקדושה האבן די קינדער פון די גאנץ יאריגע ת"ת אין מאנטיסעלאו געהאט די זכיה פאריגע וואך צו מקבל פנים זיין כ"ק אדמו"ר מסקולען לעיקוואד שליט"א, וואס איז געווען צוגאסט אין שטאט, לכבוד די מעמד החומש סעודה פון אן אייניקל, א זוהן פון זיין זוהן הרב אלכסנדר חיים פארטוגאל שליט"'א פון די חשובע תושבים אינעם היימישן יישוב אין מאנטיסעלא. דער רבי שליט"א האט אויפגעטרעטן מיט א דרשה לכבוד המאורע און אויסגעדריקט זיין התפעלות וואו דער ישוב און די מוסדות בפרט איז אזוי געשטיגן בכמות ובאיכות. דערנאך זענען אלע קינדער דורך מקבל זיין ברכת קדשו.
נאכן מעמד האט דער רבי שליט"א אפגעשטאט א באזוך אין שטוב פון בנו חביבו הרב אלכסנדר חיים פארטוגאל שליט"'א.