פרייטאג פ' פנחס • כ"ב תמוז תשפ"ה | בחצרות הקודש
בילדער קרעדיט: JDN
לרגל די יומא דהילולא קדישא פון הרבנית מגור ע"ה אשת חבר הרה"ק בעל לב שמחה מגור זי"ע וואס איז אויסגעפאלן ז' תמוז איז בנה יחידה כ"ק אדמו"ר מגור שליט"א ארויף על קברה סמוך ונראה צום מערה פון אדמור"י בית גור במרומי הר הזיתים.
די רבי שליט"א איז אנגעקומען אינאיינעם מיט די בני משפחת המלוכה, משמשים בקודש און מקורבים, די רבי האט געזאגט מזמורי תהילים און קדיש און מתפלל געווען א תפילה חרישית.
באנאכט בליל ההילולא איז די רבי אריינגעקומען צו מעריב אין גרויסן גערער ביהמ"ד און געדינט אלס שליח ציבור אזוי אויך צופרי צו שחרית איז די רבי אריינגעקומען אין גרויסן ביהמ"ד און געזאגט די קדישים. שפעטער אין טאג האט זיך די רבי שליט"א געוואשן צו א באשיידענעם סעודת הילולא בביתו נאווה קודש אינאיינעם מיט די בני משפחת המלוכה.