דאנערשטאג פ' שלח • כ"ג סיון תשפ"ה | בחצרות הקודש
פארלאפענעם מוצאי שבת קודש האט זיך כ"ק אדמו"ר מגור שליט"א משתתף געוועהן ביים שמחת השבע ברכות בחצרות וויזניץ מאנסי – סקווירא, וואס איז אפגעראכטן געווארן אין מאנסי אין שטוב פון הרבני הנגיד ר' בערל קארניאל הי"ו מגדולי תומכי מוסדות גור.
די זיידע כ"ק אדמו"ר מוויזניץ מאנסי שליט"א האט אויפגענומען דעם רבי'ן ביותרת הכבוד און מכבד געוועהן מיט לחיים. נאכן פארפירן א קורצן שמועס בסיפורי צדיקים וענייני דיומא האט דער גערער רבי טועם געוועהן לחיים און אנגעוואונטשן די חתן, מחותנים און זיידע'ס. און א ברכה מיוחדת פארן בעל האכסניא הנגיד ר' בערל קארניאל הי"ו.