מיטוואך פ' במדבר • א' סיון תשפ"ה | בחצרות הקודש
תושבי בארא פארק און חסידי ספינקא בפרט האבן דעם שב"ק פרשת בהר בחקתי – שבת מברכים חודש סיון, מיטגעהאלטן א דערהויבענעם שבת בצל כ"ק אדמו"ר מתולדות צבי דספינקא שליט"א.
.
חסידי ספינקא אין בארא פארק האבן זיך שוין צוזאמגענומען מיט עטליכע יאר צוריק און געגרינדעט א אייגענעם ביהמ"ד לתורה ולתפילה מדי שבת בשבתו ומועד במועדו, וואו עס דינט אלס רב הביהמ"ד דעם רבנינס זוהן הגה"צ רבי יואל זוסמאן הורוויץ שליט"א.
נאך מערערע הפצרות וואס די בני הקהילה אין בארא פארק האבן איינגעבעטן ביים רבי'ן ער זאל קומען פירן א שבת אין בארא פארק האט דער רבי שליט"א נעתר געווארן לבקשתם און האט געפראוועט דעם שב"ק פרשת בהר – בחקתי, שבת מברכים חודש סיון, און שבת חזק.
א גרויסער עולם הן פון תושבי בארא פארק האבן מיטגעהאלטן די ליכטיגע טישן און די פייערדיגע שלש סעודות תורה און סיי פילע געסט מחוץ לעיר וועלכע האבן אויסגענוצט די געלעגנהייט מיטצוהאלטן בזמן שהצדיק בעיר.