דאנערשטאג פ' ויקרא • ה' ניסן תשפ"ה | בחצרות הקודש
בילדער קרעדיט: איתי קצב
כמידי שנה בשנה האט כ"ק אדמו"ר מסאדיגורא שליט"א געבאקן די מצות לקראת חג הפסח הבעל"ט, וואו עס איז געוועהן דער מנהג ביי צדיקי בית רוזשין לדורותיהם אין טאג פון ה' ניסן ווען עס געפאלט די יומא דהילולא קדישא פון הרה"ק בעל אוהב ישראל מאפטא זי"ע. נעכטן מיטוואך פארן שקיעה האט דער רבי געשעפט מים שלנו ביים מעיין אויף רח' פוקס אין בני ברק, בראש קהל חסידיו.
היינט אינדערפרי האט דער רבי געדאווענט שחרית בהשכמה און איז דערנאך אריבער מיט ד חסידים צום משמרת המצות בעקעריי אין בני ברק וואו דער רבי האט מיטגעהאלטן די סדר האפייה פון תנור ראשון, און עוסק געוועהן במצוה, ביים וועלגערן די מצות. דערנאך איז די רבי געשטאנען ביי די אויווענעס און מפקח געוועהן אויף די ארבעט. נאכן מצות באקן האט די רבי באטראכט די מצות מצוה, מען האט געזונגען עטליכע ניגוני יום טוב פסח, און דער רבי האט ווארעם אנגעוואונטשן די הנהלת בית אופה.