הונדערטער אידן, ובראשם אדמור"ים רבנים ואנשים חשובים האבן דורכאויס פאריגע וואך זונטאג און מאנטאג איבערגעגעבן די טרייסט-וואונטשן פאר כ"ק אדמו"ר מקרעטשניף סיגעט שליט"א, בעת ווען דער רבי האט מקבל תנחומין צוזאמען מיט זיין ברודער הרה"צ רבי מאיר ראזנבוים שליט"א, נאך די פטירה פון אביו כ"ק אדמו"ר מקרעטשניף סיגעט זצ"ל בעל רזא דאמונה.
דער רבי שליט"א האט זיך ארויסגעלאזט פון ארץ ישראל מוצאי שבת קודש, און איז אנגעקומען זונטאג נאכמיטאג קיין ניו יארק וואו דער רבי איז אין לויף פון די נאכפאלגנדע צוויי טעג געזעצן שבעה אין ביהמ"ד קרעטשניף סיגעט אויף הופפער סטריט, זייענדיג א געלעגנהייט פאר חסידי ומעריצי בית קרעטשניף סיגעט אין ניו יורק, מנחם צו זיין די אבלים על סילוקו של אותו צדיק.
