אין לויף פון די ימי השבעה האבן טויזנטער אידן באלאגערט דעם קרעטשניף סיגוטער ביהמ"ד וואו עס זענען געזעצן שבעה די ברודער האדמור"ים והרבנים שליט"א בני כ"ק אדמו"ר מקרעטשניף סיגעט זצוק"ל, און מקבל געוועהן תנחומין דורכאויס די וואך. צענדליגער אדמור"ים ורבנים וראשי הישיבות פון אלע שיכטן און קרייזן האבן געשטראמט מנחם אבל זיין די זרע ברך ה' און זיי טרייסטן נאך דעם אבידה שאין לה תמורה. אין צוגאב האבן זיך אנגעזעהן אידן פון אלע סארטן וועלכע האבן דערציילט וואונדערליכע סיפורים און מופתים וואס זיי האבן מיטגעלעבט ביים רבי'ן זצ"ל.
