דאנערשטאג פ' בהעלתך • ט"ז סיון תשפ"ה | בחצרות הקודש
נעכטן (מיטוואך) נאכמיטאג האט דער חשובע גאסט פון ארץ ישראל הגאון הגדול רבי עזריאל אויערבאך שליט"א באזוכט אינעם מבצר התורה ישיבת ביהמ"ד גבוה דלעיקוואד וואו ער האט איבערגעגעבן א שיעור כללי בהיכל הישיבה וועלכע איז געווען איבערגעפולט מקצה אל קצה מיט טויזענטער בני תורה לומדים ומתמידים, דער גאון האט מאריך געווען בדרוש ופלפול אין די סוגיא פון הוצאה און דערנאך איבערגעגעבן דברי חיזוק בענינים העומדים על הפרק. שפעטער אין טאג האבן באזוכט אינעם אכסניא פונעם גאון די ראש ישיבת ביהמ"ד גבוה וואו זיי האבן זיך ווידער באדאנקט פארן זיך מטריח זיין און ארויסקומען קיין אמעריקא צו באשיינען די מעמד אדירי התורה און האבן ארויסבאגלייט דעם גאון אין וועג צום לופטפעלד אויפן וועג אהיים קיין ארץ ישראל.
