היינט אין די פארטאגס שעהן באשמורת הבוקר איז כ"ק האדמו"ר מתולדות אברהם יצחק שליט"א אנגעקומען אויף א תפילה ביים שריד בית מקדשינו הכותל המערבי שטייענדיג סמוך ונראה צום יו"ט פסח הממשמש ובא, דער רבי איז אנגעקומען אום 4:00 פארטאגס אין באגלייטונג פון א מנין מצומצם פון די מקורבים אין די בני המשפחה, אין מתפלל געוועהן א תפילה חרישת, אין דאן דאן געזינגען ניגוני כיסופין וגעגעין לגאולה, פון דארט איז די רבי ארויסגעפארן צום הר הזיתים אין פוקד געוועהן דעם ציון הק' פון זקינו הרה"ק רבי אהרן ראטה זי"ע בעל 'שומר אמונים' זי"ע לרגל די יארצייט וואס איז אויסגעפאלן פאריגע וואך.
