מיטוואך פ' פנחס • כ' תמוז תשפ"ה | בחצרות הקודש
אריינטרעטנדיג אין די ימי בין הזמנים הממשמש ובא, ווען צענדליגער טויזנטער אידן קומען אן קיין אתרא קדישא מירון, און איבערהויפט איז דער ציון הק' געווארן א צוציאונגס ארט פאר אידן וואס וויילן אין די אומגעגענט פון מירון אויף אפרוה, ערשיינט היינט א קריאה קדושה אונטערגעשריבן דורך הגה"צ רבי אלעזר שטערן גאב"ד אתרא קדישא מירון, ואתו עמו כ"ק אדמו"ר מנדבורנא צפת שליט"א, וועלכע רופן דעם ציבור צו היטן אויף דער קדושת המקום, און קומען אנגעטוהן אידיש'לעך צו האלטן אן ערליכע אטמאספער אויף דעם הייליגן ארט.
ובמיוחד בעטן די רבנים מען זאל נישט אהינקומען מיט קורצע מלבושים, שווים קליידער און דאס גלייכן וואו עס איז שוין מבואר אין די פוסקים אז ס'איז פארהאן אן איסור צו גיין מיט אומאויסגעהאלטענע בדגים, און על אחת כמה וכמה אין אזא מקום קדוש.
די רבנים שרייבן אינעם בריוו: "הננו בזאת בקריאה קדושה למען קדושת מקום משכן ציון הרשב"י זיע"א בעמדנו לקראת ימי הקיץ הבעל"ט שיש שמניעים למקום בדרך טיול לעורר על חיוב שמירת קדושת המקום גם בעזרת הגברים, לא להיכנס למקום קדוש כזה בבגדים קצרים בגילוי בשר ובפרט בסגנון בגדים שהולכים איתם במים בגילוי הזרוע בידיים ובגילוי שוק ברגליים, וכבר מבואר בפוסקים האיסור לילך בגילוי בשר, וכ"ש במקום קדוש כזה. ובזכות שמירת גדרי הקדושה נזכה שזכותא דבר יוחאי יגן בעדינו להיוושע בחסד וברחמים אכי"ר".
