פרייטאג פ' כי תבא • י"ט אלול תשפ"ה | בחצרות הקודש
די וואך מיטוואך איז פארגעקומען בביתו נאווה קודש פון כ"ק אדמו"ר מוויזניץ שליט"א אין בני ברק א מעמד לחיים לרגל די שמחת השבע ברכות בבית הרה"ח ר' אליעזר היימאן הי"ו פון די חשובע וויזניצער חסידים אין תל ציון וועלכע דינט אלס סגן מנכ"ל איחוד הצלה וואו עס האבן זיך באטייליגט די ראשי הארגון אין שפיץ פון הרב אלי' בער הי"ו מייסד ומנהל איחוד הצלה אין ארץ ישראל, וועלכע האט איבערגעגעבן א דעטאלירטע רעפארט איבער די פעולות נשגבות און אקטיוויטעטן פון איחוד הצלה וועלכע אפערירט אין אלע שטעט איבער גאנץ ארץ ישראל, דער רבי שליט"א האט משמיע געוועהן הארציגע דברות קודש ארויסברענגענדיג די אומבאגרייפליכע זכי' פון מציל זיין אזויפיל נפשות בישראל, און ווארעם אנגעוואונטשן די ראשי הארגון.
נאכן שבע ברכות האט הרב יוסף יצחק ראטטענבערג מנהל מוסדות וויזניץ ארומגעוויזן די געסט אינעם נייעם מרכז העולמי ביהמ"ד הגדול והחדש ישועות משה וויזניץ וואו די בוי ארבעט שפאנט פאראויס רונדע דעם זייגער.
