דאנערשטאג פ' ראה • כ"ז אב תשפ"ה | בחצרות הקודש
בילדער קרעדיט: יעקב לעדערמאן, מתתיהו גאלדבערג, JDN
מיט געפילן פון התרוממות והתעלות האבן זיך חסידי לעלוב און נאך פילע חסידים ואנשי מעשה מיטגעפריידט ביי די חתונה הרוממה בבית לעלוב – קוזמיר, פון החתן אייניקל ביי כ"ק אדמו"ר מלעלוב שליט"א, א זון פון בנו הגדול הרה"צ ר' יואל זושא בידערמאן שליט"א רב חסידי לעלוב איידעם פון הגה"צ אב"ד מאקאווא אלעד זצ"ל מיט די כלה אן אייניקל ביי כ"ק אדמו"ר מקאזמיר שליט"א, א טאכטער פון זיין זון הרה"צ ר' אהרן נחום טאוב שליט"א איידעם ביי כ"ק אדמו"ר מלעלוב בית שמש שליט"א.
צום באשטימטן צייט זענען די אדמורי"ם שליט"א ערשינען צום מעמד קבלת פנים אינעם גרויסן שאטער פארנט פון ביהמ"ד הגדול לעלוב אין בית שמש וועלכע איז געווען איבערגעפילט מקצה אל קצה, מען האט געזינגען ניגוני התעוררות ודביקות. איידערן ארויסגיין צום חופה האט די לעלובע רבי אנגעטוהן פארן חתן די קאפל פון זקינו הרה"ק בעל ברכת משה מלעלוב זי"ע.
ביים מעמד החופה איז מכובד געווארן מיט סידור קידושין די זיידע כ"ק אדמו"ר מקוזמיר שליט"א, קריאת הכתובה די פעטער הגה"צ גאב"ד מאקאווא אשדוד שליט"א, די ברכות זענען צוטיילט געווארן צווישן די זיידע כ"ק אדמו"ר מלעלוב בית שמש שליט"א, און די פעטער'ס האדמורי"ם ממודזיץ, לעלוב ירושלים, הרה"צ רבי יעקב יצחק בידערמאן מלעלוב ירושלים, און הגה"צ רבי יוסף משה דב הלברשטאם רב חסידי צאנז אין אמעריקא, ברכה אחריתא די פעטער כ"ק אדמו"ר מנדבורנא צפת שליט"א.
די ציבור האט מיסב געווען צום סעודת החתונה, און בעשה 10:00 איז די רבי אריינגעקומען אינעם שאטער צום שמחת החתונה, און איז ענטפאנגען מיט ריקודים נלהבים לרגל השמחה הרוממה וואס האט אנגעהאלטן א לענגערע וויילע.
במשך די שמחה האבן זיך באטייליגט דעם רבינ'ס עלטערן ברודער כ"ק אדמו"ר מלעלוב שליט"א פון בני ברק, די פעטער'ס כ"ק גאב"ד מאקאווא שליט"א, האדמורי"ם ממודזיץ, לעלוב ירושלים, לעלוב בראנוביץ, חוסט, האדמורי"ם מביאלא, טעמשוואר אלעד, סטריקוב ירושלים, לייפניק.
די אדמור"י ורבני העיר: האדמורי"ם מוויזניץ בית שמש, טרעבישאן, קאמרנא בית שמש, אמשינאוו בית שמש, בערגסאז בית שמש, קאסוב בית שמש, אב"ד תולדות אברהם יצחק בית שמש, הגה"צ רבי שמואל בראנדסדארפער חבר בד"ץ העדה החרדית, הגאון רבי נתן קופשיץ רב שכונת נחלה ומנוחה, הגה"צ רבי דוד צבי קאהן אב"ד תולדות אברהם יצחק בית שמש, און נאך.
א שיינעם מחול לצדיקים איז געשאפן געווארן צווישן די אדמור"י בית לעלוב די דריי ברודער האדמורי"ם מלעלוב, לעלוב פון בני ברק, און לעלוב בהר"ן, און די שוועסטער קינדער די זיידע האדמו"ר מלעלוב בית שמש, זיין ברודער האדמו"ר מלעלוב ירושלים און זיין שוואגער האדמו"ר מלעלוב בראנוביץ.
די זיידע די לעלובער רבי שליט"א האט געבענטשט ברכת המזון על הכוס, די שבע ברכות זענען צוטיילט געווארן צווישן הגה"צ רבי מתתי' דייטש גאב"ד רמת שלמה, די פעטער'ס הגה"צ רבי שלמה זלמן לעמבערגער אב"ד מאקאווא נתניה, הרה"ג ר' פנחס אנגלנדר רב ביהמ"ד לעלוב לאנדאן, הרה"צ רבי דוד בידרמאן מלעלוב ירושלים, און ברכה אחריתא כ"ק אדמו"ר מביאלא שליט"א א מחותן מצד הכלה.
דערנאך האט מען צוגעטרעטן צו די מצווה טאנץ, בדחנא דמלכא ר' שמעון געלבשטיין האט אויפגערופן די זיידעס האדמורי"ם מקוזמיר און לעלוב בית שמש צום מצווה טאנץ, דאן האט מען אויפגערופן די זיידע כ"ק אדמו"ר מלעלוב שליט"א צום עבודת הריקודין, דערנאך זענען געטאנצן די פעטער'ס הרבנים לבית מאקאווא אלעד און דערנאך די מחותנים פון ביידע צדדים.
