מאנטאג פ' חוקת • ד' תמוז תשפ"ה | בחצרות הקודש
א אייגענארטיגע שמחת החתונה איז פארגעקומען בחצר הקודש קרעטשניף, ווען כ"ק אדמו"ר מקרעטשניף שליט"א האט חתונה געמאכט און אונטערגעפירט א כלה א יתומה אונטער די חופה אלס דער עומד מצד הכלה. די רעדע איז פון די כלה א טאכטער פון הרה"ח ר' מרדכי שאמועל ע"ה מחשובי חסידי קרעטשניף וואס איז ליידער טראגיש אוועקגעריסן בדמי ימיו און בעפאר זיין פטירה האט דער רבי פארשפראכן צו זיין א ווי געטרייע פאטער כל דבר פאר זיינע קינדער די יונגע יתומים.
דער רבי האט מקיים געוועהן דעם צוזאג און נעכטן ביים חתונה פון די כלה די יתומה האט דער רבי באשיינט בראש המסובים אלס דער עומד מצד הכלה. א געוואלדיגער התרגשות האט יעדן באנומען, זעענדיג ווי דער רבי שליט"א דינט אלס דער שושבינין, צוזאמען מיט די רעבעצען תליט"א.
די רבי שליט"א איז געוועהן מלובש בבגדי שבת, און האט מסדר געוועהן חופה וקידושין, שפעטער באנאכט איז דער רבי אריינגעקומען צום סעודת החתונה אין די היכל השמחה אין קרית קרעטשניף אין רחובות וואו דער רבי האט אפגעראכטן א שולחן לחיים און אין אן אויסנאם שריט געטאנצן מצוה טאנץ לפני הכלה. באזונדער איז דער רבי געטאנצן א התרגשות'דיגע ריקוד מיט די געשוויסטער די יתומים, און מיטן מחותן הרה"ג ר' גמליאל ריבנוביץ שליט"א מחשובי חסידי קרעטשניף ובעל מחבר ספרי "גם אני אודך"
