מאנטאג פ' שלח • כ' סיון תשפ"ה | בחצרות הקודש
גאר א געהויבענער שבת של שמחה איז אריבער בקרב חסידי באבוב בצל הקודש פון כ"ק אדמו"ר מבאבוב שליט"א ביים שבת עליה לתורה פון החתן אן אייניקל ביי הגה"צ ראש ישיבת באבוב שליט"א, מיט די כלה א טאכטער פון הגה"צ רבי חיים דוד וואקסמאן דומ"ץ באבוב מאנסי חתנא דבי נשיאה פון כ"ק אדמו"ר מבאבוב שליט"א. ערב שבת ביים זמן האט דער רב שליט"א אנגעטוהן די שטריימל פארן חתן און פאר נאך עטליכע חתנים, די תפילות במשך שבת האבן געדאוונט פארן עמוד די משפחת המלוכה מנחה ערב שבת די מחותן אבי החתן הרה"ג ר' משה הורוויץ שליט"א, קבלת שבת הרה"צ ר' ר' מרדכי דוב הלברשטאם שליט"א בן האדמו"ר מבאבוב און א איידעם ביים ראש ישיבה – א פעטער משני הצדדים, שחרית די מחותן אבי הכלה הגה"צ רבי חיים דוד וואקסמאן דומ"צ באבוב מאנסי און מוסף די חשובע גאסט פון ארץ ישראל הגה"צ אבד"ק קרית באבוב שליט"א.
ביים טיש ליל שבת איז אויך פארגעקומען די שבע ברכות פון א אייניקל ביי הגה"צ דומ"צ באבוב שליט"א מיט החתן בן זקונים פון כ"ק אדמו"ר מסקאליע שליט"א. נאכן טיש האט דער רב שליט"א געטאנצן מצוה טאנץ כנהוג.
ביום השבת נאכן דאווענען איז פארגעקומען די קידושא רבה לכבוד די שמחה ווי די ציבור איז א לענגערע צייט אדורך וואונטשן מזל טוב אל מול פני הקודש.
מוצאי שבת איז פארגעקומען די פארשפיל בתופים ומחולות און עס האט אויפגעטרעטן מיט דברי חרוזים הרה"ח ר' אברהם מרדכי גראדזינסקי הי"ו.
