מאנטאג פ' אמור • י"ד אייר תשפ"ה | בחצרות הקודש
בילדער קרעדיט: א. אייזנבאך
חסידי און אוהדי סאדיגורא ירושלים האבן נעכטן זונטאג זיך מיטגעפריידט בשמחת בית צדיקים, ביים מסיבת התנאים פון הכלה טאכטער פון כ"ק אדמו"ר מסאדיגורא ירושלים שליט"א איידעם ביי כ"ק אדמו"ר מבאסטאן שליט"א מיט די חתן א זון פון הגה"צ אב"ד בערטש פלעטבוש שליט"א איידעם ביי כ"ק אדמו"ר ממאדזיץ שליט"א פון פלעטבוש.
די שידוך איז געשלאסן געווארן בשעה טובה, פארלאפענעם דאנערשטאג אווענט במעונו פונעם מחותן האדמו"ר מסאדיגורא ירושלים שליט"א, וואו מען האט געטרינקען לחיים און ארומגעשמועסט איבער די ייחוס פון די חתן און כלה, במשך די שמחה האט אריינגערופן אויפן טעלעפאן כ"ק אדמו"ר מסקווירא שליט"א א קרוב משפחה מצד החתן און געוואונטשן מזל טוב פאר די חשובע מחותנים.
נעכטן זונטאג האט א גרויסן ציבור מיטגעהאלטן די שמחת התנאים אין ביהמ"ד הגדול סאדיגורא ירושלים אויף רח' שמואל הנביא, די שמחה איז געוועהן באגלייט מיט ניגוני שמחה פארגעזינגן דורך די קאפעליע מנגנים, אן קיין מוזיקאלישע באגלייטונג צוליב די ימי הספירה.
מיט קריאת התנאים איז מכובד געווארן כ"ק אדמו"ר ממאחנובקא בעלזא שליט"א וועלכע איז ספעציעל געקומען צופארן פון בני ברק צו די שמחה זייענדיג א קרוב משפחה מיטן אבי החתן, דערנאך האט מען זיך ארויסגעלאזט אין א ריקוד של שמחה אויפן אויבן אן, דער מחותן אבי הכלה די רבי שליט"א האט משמיע געווען דברות קודש און ארויסגעברענגט רגשי שבח והודאה אויף די גרויסע שמחה, צום שלוס איז די גאנצע ציבור דורך וואונטשן מזל טוב פארן חתן און די מחותנים.
די שמחה איז באשיינט געווארן דורך פילע אדמורי"ם ורבנים צווישן זיי האדמורי"ם מלויצק, סקולען ירושלים, סטראפקוב, טריסק, זוועהיל ירושלים, באסטאן ביתר, סאווראן, ספינקא בית שמש, לעלוב בית שמש, די פעטער'ס האדמו"ר מבאסטאן פון הר נוף און הרה"צ רבי מרדכי ברזובסקי בן האדמו"ר מסלונים, הגה"צ רבי יוסף משה שניאורסון ראש ישיבת טשעבין, הרה"ג רבי שלמה זלמן וווייס אב"ד שערי טוביה, הרה"צ רבי יוסף ברייאר בנו הגדול פון האדמו"ר מבאיאן, הרה"צ רבי ישראל יוסף קאהן בנו הגדול פון האדמו"ר מתולדות אהרן, הרה"צ רבי נחמן בידערמאן מלעלוב, אב"ד מאור חיים ירושלים, ראש ישיבת שומרי אמונים, אב"ד דברי משה, הרה"צ רבי שלום עוזר האגער בן האדמו"ר מסערט וויזניץ, און הרב חיים מאיר רוקח נכד כ"ק אדמו"ר מבעלזא שליט"א.
