דינסטאג פ' אחרי קדושים • ח' אייר תשפ"ה | בחצרות הקודש
אין די יעצטיגע טעג שטייענדיג א קארגע וואך אפגערוקט פונעם יום טוב ל"ג בעומר האבן די מנהלי הישיבות הקדושות דחסידי בעלזא ערהאלטן די קלארע הוראת הקודש פון כ"ק אדמו"ר מבעלזא שליט"א פאר די טויזנטער בחורי חמד תלמידי הישיבות הקדושות אמבאלאנג די נסיעות קיין מירון ביום ל"ג בעומר די הילולא פון התנא האלוקי רבי שמעון בר יוחאי.
דאס קומט נאכדעם וואס די רבני וחברי וועד משמרת החינוך דחסידי בעלזא האבן אנגעפרעגט דעת קדשו פונעם רב שליט"א, צו די בחורים זאלן דאס יאהר ארויספארן קיין מירון ביום ל"ג בעומר.
אינעם אפגעשריבענע אנטווארט פונעם משמש בקודש הרה"ח ר' אליעזר ווינד הי"ו, טוט ער קלארשטעלן חוות דעת קדשו הברורה פונעם רב שליט"א אז די בחורים זאלן דאס יאהר נישט ארויספארן קיין מירון בעצם יום ל"ג בעומר, די ישיבות וועלן אין די טעג נאך ל"ג בעומר, צושטעלן באזונדערע ארגאניזירטע נסיעות קיין מירון אונטער די אויפזוכט פון די רבני וצוות הישיבות.
אין טאג פון ל"ג בעומר וועלן די תלמידי הישיבות מיטהאלטן די מאורעות בצל הקודש, אנגעהויבן מיטן מעמד ההדלקה רבתי בחצר ביהמ"ד הגדול אין קרית בעלזא און דערנאך דעם שולחן הטהור דורך כ"ק אדמו"ר מבעלזא שליט"א.
